Miradi iliyokamilika

MRADI WA UJENZI WA BARABARA ZA TUNDUMA MJINI KWA KIWANGO CHA LAMI 0.5KM

Start Date: 2021-08-23

End Date: 2022-04-23

Mwaka wa fedha 2021/2022 Halmashauri ya Mji wa Tunduma kupitia Wakala wa barabara za vijijini na Mijini (TARURA) ilitenga bajeti ya kuboresha barabara za Tunduma Mjini kwa kiwango cha Lami. Miongoni mwa barabara zilizofanyiwa maboresho ni Victoria-Mbambila km 0.34, Sichembe km 0.05 na Kampala km 0.11.

Utekelezaji wa mradi huu ulianza rasmi tarehe 23/08/2021 na ulikamilika tarehe 23/04/2022. Mkandarasi aliyetekeleza mradi huu ni kampuni ya HSS Engineering Co. Ltd wa S.L.P 702 Mbeya, chanzo cha fedha zilizotumika katika kutekeleza mradi huu ni kutoka serikali kuu kupitia mfuko wa barabara (Road Fund).

GHARAMA ZA MRADI

Mradi huu umegharimu kiasi cha Sh.273,322,725 /= kwa kutekeleza kazi zifuatazo:-

• Ujenzi wa barabara kwa kiwango cha lami mita 500
• Ujenzi wa mifereji mita 913
• Ujenzi wa kalvati mistari mitatu(3)

MANUFAA YA MRADI

Mradi huu umerahisisha shughuli za usafiri na usafirishaji kwa wananchi kwa kipindi chote cha mwaka, kwani awali barabara hizi zilikuwa zikipitika kwa shida hasa msimu wa  mvua, Pia umechangia ukuaji wa shughuli za kiuchumi kwa wakazi wa maeneo ya pembezoni mwa barabara kwa kuanzisha biashara ndogondogo.

HITIMISHO

Tunaishukuru serikali ya awamu ya sita inayoongozwa na Mhe. Rais wa Jamhuri ya Muungano wa Tanzania Samia Suluhu Hassan kwa kuongeza bajeti ya matengenezo ya barabara kwani ongezeko hilo limesaidia kuongeza mtandao wa barabara za lami kutoka km 3.0 hadi Km 6.0 ndani ya mwaka mmoja. Aidha, tunawashukuru wananchi waliotoa maeneo yao bila kupewa fidia kwani maeneo haya yote yalikuwa hayajapangwa.