Tunduma TC Yang'ara Mpira wa Miguu, Kwaya, Bongo Fleva UMITASHUMTA

Imewekwa : June 28th, 2025

Atwiya Mohamed na Silvesta Mtafya, TTC

Timu za soka za Halmashauri ya Mji Tunduma zimeng'ara katika mashindano ya Umoja wa Michezo na Taaluma kwa Shule za Msingi Tanzania (UMITASHUMTA) ngazi ya Mkoa baada ya kushika nafasi ya kwanza kwa upande wa Wavulana na Wasichana.

Mashindano hayo yaliyoanza tarehe 25 Mei na kumalizika tarehe 28 Mei, katika viwanja vya Michezo vya Shule ya Sekondari Songwe Sunrise yakishirikisha Halmashauri zote tano za Mkoa huo.

Mbali na ushindi huo Halmashauri ya Mji Tunduma pia umeibuka kidedea katika upande wa kwaya na Muziki wa Kizazi Kipya (Bongo Fleva) kwa kushika nafasi ya kwanza kati ya Halmashauri tano zilizoshiriki mashindano hayo.

Timu mbalimbali zitakazowakilisha Mkoa wa Songwe katika mashindano ya Taifa yatakayofanyika Mkoani Iringa zimeundwa ikiwemo timu za Mpira wa miguu kwa Wavulana na Wasichana, Mpira wa Mikono, Kwaya, Mpira wa Wavu, pamoja na timu ya  Usafi na Ubunifu.

Matukio katika Picha:

(Picha zote na Julius Evandino, TTC).