Divisheni ya Utawala na Usimamizi wa Rasilimaliwatu

 Halmashauri ya Mji Tunduma ilianzishwa tarehe 01 Julai 2015 ikiwa na Muundo wa Kiutawala wa Tarafa Moja (01) ya Tunduma, Kata 15 na Mitaa 71. Muundo wa Kimajukumu Halmashauri imegawanyika katika Idara 13 na Vitengo 6. Halmashauri ya Mji Tunduma ina jumla ya watumishi 1075   mahitaji ya watumishi ni 1325 upungufu ni watumishi  250 kama inavyoonyeshwa katika jedwali hapo chini;

Jedwali Na.1a: Idadi ya Watumishi Kiidara

STAHIKI NYINGINEZO

Halmashauri ya Mji Tunduma imefanikiwa kutenga bajeti ya kununua vyombo vya usafiri ambavyo ni pikipiki na magari ambapo mwaka 2020/2021 imefanikiwa kununua pikipiki 07 na magari 02. Mwaka wa fedha 2021/2022 Halmashauri ya Mji Tunduma imefanikiwa kununua pikipiki 03 na gari moja aina ya Landcruiser Hard top ambayo bado haijafika hii ni kwaajili ya kurimarisha utendaji  kazi kwa watumishi, pia kwa mwaka wa fedha 2021/2022 Halmashauri inatekeleza ujenzi wa nyumba 1 yenye nyumba tatu kwa Pamoja katika kituo cha afya Chiwezi, Nyumba moja ya Mkuu wa Idara na ya Mkurugenzi wa Mji, kwa fedha zilizotolewa na serikali kuu.

Pia kwa mwaka wa fedha 2022/2023 Halmashauri ya Mji Tunduma imetenga bajeti ya kununua pikipiki 04 na magari 03. Moja ni gari ya maji   taka, pick up moja kwaajili ya ukaguzi wa miradi ya maendeleo ya Halmashauri ya Mji Tunduma na Gari ya zima moto, Pia Halmashauri imetenga bajeti ya kujenga nyumba 8 za watumishi ikiwa nyumba 5 kwaajili ya wakuu wa Idara na  nyumba 3 ni kwaajili ya walimu Elimu Msingi.

CHANGAMOTO.

 Penye mafanikio hapakosi changamoto, Halmashauri ya Mji Tunduma inachangamoto mbalimbli kama ifuatavyo.

UPUNGUFU WA WATUMISHI.

Kwa mujibu wa ikama Halmashauri inatakiwa kuwa na watumishi jumla 1325 mpaka sasa kuna watumishi 1075 upungufu mkubwa wa Watumishi 250 upo katika Idara ya Utawala hasa Madereva, watunza kumbukumbu na Makatibu muhutasi, Idara ya Afya kutokana na kuongezeka kwa Hospitali ya Mji 1,vituo vya Afya vitatu, na zahanati 3, Idara ya Elimu Sekondari hasa walimu wa masomo ya Sayansi, Idara ya Elimu Msingi hasa katika shule mpya zilizojengwa na kusajiliwa kwa mwaka 2020/2021 na Idara za Kilimo na Mifugo. Pamoja na changamoto hii Halmashauri imekuwa ikitenga Bajeti kila mwaka kwaajili ya ajira mpya lakini utekelezaji wake ni hafifu tunaletewa watumishi wachache hasa Idara za Elimu na Afya na watumishi wengine tunaambiwa tusubiri maelekezo lakini hatupewi maelekezo hayo ya uombaji wa vibali vya ajira.

UPUNGUFU WA GARI YA KUBEBEA WAGONJWA

Halmashauri ya Mji Tunduma ina wakazi wengi na watumishi 1075 wakati gari ya kubebea wagonjwa ni moja na kusababisha utendaji wa kazi kuwa mgumu hasa kwa watumishi Idara ya Afya pale inapotokea uhitaji wa gari la kupeleka wagonjwa Hospitali ya Rufaa Kanda iliyopo Mbeya.