Kitengo cha Huduma za Sheria

Kitengo cha huduma za Sheria kimetekeleza majukumu yake katika kipindi cha mwaka wa fedha 2022/2023  kama ifuatavyo;

• Kumshauri Mkurugenzi wa Halmashuri ya Mji Tunduma katika masuala mbambali ya Kisheria.
•  Kitengo cha Sheria kinaendelea kusimamia Sheria Ndogo za mwaka 2017 kwa kushirikiana na Migambo, Watendaji wa kata na timu za mapato, kwani hadi sasa watu wanaovunja Sheria Ndogo hususani kipindi cha operesheni za mapato wanakamatwa na kufikishwa katika vyombo vya Sheria ikiwa ni pamoja kufikishwa Mahakamani na kulipa faini.

USIMAMIZI WA MASHAURI.

• Kitengo cha Sheria kinaendelea kutekeleza majukumu yake ya kuiwakilisha Halmashauri ya Mji Tunduma katika kusimamia mashauri kwenye Mahakama Kuu Mbeya, Wilaya ya Momba, ya Mwanzo Tunduma pamoja na Baraza la Ardhi Nyumba na Makazi la Wilaya Mbeya na Mbozi.
• Aidha Kitengo cha Sheria kimefungua kesi za vikundi za madai katika Mahakama ya Mwanzo jumla ya kesi arobaini na mbili (42) zimemaizika hadi sasa kesi saba zimeondolewa Mahakamani baada ya kukamilisha kulipa fedha zote walizokuwa wanadaiwa hata hivyo Halmashauri inaendelea na zoezi la kukazia hukumu katika Mahakama ya Wilaya ya Momba kwa kesi 35 zilizo baki.
• Kuandaa nyaraka mbalilmbali za kisheria na za Mahakamani pamoja na kuendelea kusimamia utendaji kazi wa Mabaraza ya Kata ambapo tumewapa mwongozo mpya wa mabadiliko ya Sheria ya usimamizi wa kesi za Ardhi.

MIKATABA YA HALMASHAURI.

Tumefanya upekuzi (Vetting) na kusimamia Mikataba mbalimbali ambayo imetekelezwa na Halmashauri ya Mji Tunduma kwa mchamganuo ufuatao.

• Kufanya upekuzi wa Mikataba ya vikundi vya wajasiriamali katika mikopo ya asilimia 10% kwa vijana, wanawake na walemavu.
• Kufanya upekuzi wa Mikataba ya Ujenzi wa Jengo la Utawala Halmashauri ya Mji Tunduma.
• Kufanya upekuzi wa Mikataba ya Ujenzi wa Shule za Misingi na Sekondary za Halmashauri ya Mji Tunduma.
• Kufanya upekuzi wa Mikataba ya miradi ya UVIKO 19 ya Halmashauri ya Mji Tunduma. Kufanya upekuzi wa Mikataba ya miradi ujenzi maeneo ya kufanyia biashara wa Machinga katika Halmashauri ya Mji Tunduma.
• Kufanya upekuzi wa Mikataba ya Ujenzi wa Jengo la Hospital awamu ya tano na sita la Halmashauri ya Mji Tunduma.
• Kufanya upekuzi wa Mikataba ya Ujenzi wa eneo maalumu la kutupia taka ngumu (Dampo) katika Halmashauri ya Mji Tunduma.
• Kushiriki kutatua migogoro mbalimbali kutoka kwa wananchi hasa migogoro ya Ardhi pamoja na kutoa ushauri wa kisheria kwa wananchi.