Mapambano dhidi ya VVU/UKIMWI

Halmashauri ya Mji Tunduma katika kuhakikisha inaendeleza mapambano dhidi ya UKIMWI kwa Mwaka huu 2021 jumla ya watu 29,555 (kati yao wanaume 9,536 na wanawake 20,019 walipima damu kwa hiari. Kati yao watu 1,169 waligundulika kuwa wameambukizwa VVU ikiwa ni sawa na 3.9% ya waliopima ambapo kati yao wanaume ni 414 na wanawake ni 755. Idadi ya watu wenye VVU waliosajiliwa ni 1,169 wote wameshaanzishiwa dawa za kufubaza virusi vya UKIMWI.

Kuanzia Januari hadi Agosti,  2022  jumla ya watu 15,535 walipima VVU ambapo kati yao wanaume 5,001 na wanawake 10,534 Katika kundi hili watu 634 wamebainika kuwa na VVU sawa na 4.0% ya waliopima. Kati yao wanaume ni 216  na wanawake ni 418 Idadi ya watu wenye VVU waliosajiliwa na kuanzishiwa dawa ni watu 634 sawa na 100%.

Halmashauri ya Mji Tunduma inavyo vituo 9 vinavyotoa huduma za UKIMWI. Idadi ya vituo vinavyotoa huduma ya upimaji VVU na kutoa huduma za kuzuia maambukizi ya VVU kutoka kwa mama kwenda kwa mtoto ni vituo 13 Kwa kipindi cha Julai 2021 mpaka Agosti, 2022  jumla ya vipeperushi 2,340. vimegawiwa na jumla ya nyumba za kulala wageni 45 zimegawiwa kondomu.

Halmashauri ya Mji Tunduma inashirikiana na mashirika ya WALTEREED(HJFMRI),ADP Mbozi, IRDO, NIMR,NORTH STAR ALLIANCE, pamoja na madhehebu ya Dini na siasa katika mapambano dhidi ya UKIMWI. Halmashauri ya Mji Tunduma imepokea jumla ya shilingi 198,487,078 za kukabiliana na VVU Kwa mwaka wafedha 2021/2022 kutoka kwa wadau. Halmashauri ya Mji Tunduma inaamini Tanzania bila maambukizi mapya, unyanyapaa na vifo vitokanavyo na UKIMWI inawezekana na tupo tayari kupima, kujitambua ili tuishi.