Miradi inayotekelezwa

UJENZI WA VYUMBA 10 VYA MADARSA KATIKA SHULE YA MSINGI HAISOJA (GHOROFA)

Mradi umehusisha ujenzi wa vyumba Kumi (10) vya madarasa, ofisi nne (4) za walimu na matundu ishirini na nne (24) ya vyoo katika Shule ya msingi Haisoja, iliyopo kata ya Sogea. Mradi unajengwa kwa fedha za Mapato ya ndani ya Halmashauri na michango ya wananchi.

Mradi huu unatekelezwa kwa njia ya Force akaunti. Mradi ulianza kutekelezwa tarehe 21/12/2021 na tarehe ya kumaliza ni 30/09/2022. Mpaka sasa mradi huu umepokea fedha jumla sh. 550,000,000, fedha zimeingia kwa awamu sita tofauti kupitia akaunti ya Kata ya Sogea namba 61510011004 kutoka Halmashauri ya mji Tunduma.

GHARAMA ZA MRADI.

Jumla ya makadirio ya gharama za mradi ni Sh. 829,637,866.73. Kati ya hizo Sh. 820,372,867/= ni fedha za mapato ya ndani toka Halmashauri ya Mji Tunduma na Sh. 9,265,000/= ni michango ya wananchi. Mpaka sasa mradi huu umepokea jumla ya Sh. 559,000,000/= tu, fedha iliyotumika jumla Sh. 546,511,864/= Fedha iliyobaki ni Sh. 3,488,136/= Matumizi ya fedha hii yamehusisha manunuzi ya vifaa mbalimbali vya ujenzi katika miundombinu, malipo ya mkandarasi na malipo ya mafundi.

HALI YA UTEKELEZAJI WA MRADI

• Mpaka sasa utekelezaji wa mradi umefikia 65%.
• Shughuli zilizofanyika.
• Usanifu wa eneo la ujenzi (feasibility study), kazi hii imefanywa na mkandarasi CEPLAN CO LTD kutoka Dar es salaam.
• Kusawazisha eneo la ujenzi na kuondoa udongo wenye rutuba katika eneo la ujenzi (site leveling).
• Kuchimba mashimo ya nguzo katika jengo la ghorofa la vyumba 10 vya madarasa    pamoja kumwaga zege kwenye mashimo hayo.
• Kuchimba na kujenga msingi
• Kumwaga jamvi
• Kumwaga zege la nguzo za msingi.
• Kupandisha kuta
• Kusuka nondo za bimu ya juu na nguzo (first floor)
• Kuweka miundombinu ya umeme na mfumo wa TEHAMA.
• Kumwaga jamvi katika floor ya kwanza na nguzo
• Kumwaga zege la beam ya juu (Roof beam)
• Kujenga tofari za juu, kazi inaendelea

MICHANGO YA WANANCHI.

Katika mradi huu wananchi wa kata ya sogea kutoka mitaa minne wamechangia pesa taslimu jumla ya kiasi cha Tsh. 9,265,000/- matumizi ni Tsh 9,217,000/- salio ni Tsh. 48,000/- fedha zilizotumika katika shughuli mbalimbali katika utekelezaji wa mradi ikiwa ni gharama za maji, kusafirisha baadhi ya vifaa, gharama za kushusha vifaa, kulipa walinzi n.k.

MANUFAA YA MRADI.

• Itapunguza kwa kiasi kikubwa msongamano na mrundikano wa wanafunzi darasani na kuongeza ufanisi katika ufundishaji utakaopelekea kuinua kiwango cha elimu ambao utaleta manufaa katika ukombozi wa jamii kifikra, kimtazamo na mwisho kuchochea ustawi na uchumi wa taifa.
• Mradi huu pia utakua dira na kutatoa changamoto mpya za kimapinduzi katika sekta ya elimu hasa ya msingi, katika ukanda na mkoa wetu, kwamba serikali inayo nia na dhamira ya dhati katika kuboresha mazingira na miundombinu ya elimu kama ilivyoelekeza Ilani ya Uchaguzi ya Chama cha Mapinduzi 2020 – 2025 sehemu ya tatu ibara ya 80.