Mapambano dhidi ya Malaria

Halmashauri ya Mji Tunduma imefanikiwa kupambana na Ugonjwa wa Malaria kwa kiwango kikubwa. Kwa mwaka 2021 jumla ya wagonjwa 115,169 walihudhuria katika vituo vya kutolewa huduma za Afya. Kati yao waliofanyiwa kipimo cha Malaria ni 36,989 kati ya waliobainika kuwa na vimelea vya Malaria ni 1,535 sawa 4.1%sawa na 89.8%. Mwaka 2022 wagonjwa waliohudhuria katika vituo vya kutolea huduma za afya walikuwa 44,902 kati yao wagonjwa waliopimwa kipimo cha Malaria ni 17164 waliobainika kuwa na vimelea vya Malaria ni 1249 sawa na 7.2%, vifo vilivyoripotiwa ni 1.

Kwa upande wa wajawazito waliohudhuria kliniki walikuwa 12,491 waliopimwa kipimo cha Malaria walikuwa 12,443 waliothibitika kuwa na vimelea vya Malaria ni 112 sawa na 1%, katika kipindi hicho chote hakukuwa na vifo vya kina mama wajawazito. Halmashauri ya Mji Tunduma imefanikiwa kufikia kiwango hiki kwa kuhamasisha wananchi kushiriki kikamilifu katika kampeni ya usafi wa mazingira hususani kudhibiti mazalia ya mbu na kuhimiza matumizi sahihi ya vyandarua vyenye viuatilifu ili kudhibiti maambukizi ya malaria. Pia, upatikanaji wa vifaa tiba na kinga ya Malaria upo kwa 92.5% na mikakati hii ni endelevu.

Wajawazito waliohudhuria kliniki hudhurio la kwanza na kupatiwa vyandarua walikuwa 11,868 sawa na 95%. Watoto walipatiwa chanjo ya Surua na kupatiwa chandarua walikuwa 11,295 sawa na 72%.