Divisheni ya Maendeleo ya Jamii

Divisheni ya Maendeleo ya Jamii imejikita katika kutafsiri, kusimamia na kuratibu utekelezaji wa Sera za Wizara, Mikakati ya Maendeleo ya Jamii na Mikataba ya Kimataifa ili kuwezesha,kuimarisha ushiriki  na uwezo wa Jamii katika Kuibua, Kupanga, Kuamua, Kutekeleza, Kusimamia na Kutathimini utekelezaji wa shughuli mbalimbali za kujiletea Maendeleo Endelevu.

Mfuko wa Maendeleo ya Wanawake na Vijana ni mfuko endelevu unaohusika na ufuatiliaji wa mikopo kwa vijana, wanawake na watu wenye ulemavu. Mfuko huu ni wa mzunguko (revolving Fund) kwa mujibu wa Sheria ya Fedha ya Serikali za Mitaa Tangazo la Serikali Na 286 la Tarehe 5/4/2019 mfuko huu unategemea fedha za 10% zinazotengwa na Halmashauri zitokanazo na mapato yake ya ndani kwa kila mwaka husika.

Halmashauri ya Mji Tunduma katika mipango ya bajeti kwa Mwaka wa Fedha 2020/2021- 2021/2022 iliweza kukusanya, kutenga na kutoa fedha kwa ajili ya mikopo kwa vikundi vya Wanawake, Vijana na Watu Wenye Ulemavu kwa mchanganuo ufuatao.

Mwaka 2020/2021 Halmashauri ilikusanya jumla ya Tsh 6,145,569,753.00 ya mapato halisi ambapo 10% ni sawa na 614,556,975.30, hata hivyo Halmashauri ilifanikiwa kuchangia kiasi cha shilingi 471,633,000.00 sawa 95% nakusalia na kiasi cha shilingi 142,923,975.30 ambazo zitachangiwa katika Mwaka wa Fedha 2022/2023.

Aidha kiasi cha shilingi 480,633,000 zilikopeshwa kwa vikundi ambazo zilienda kwa vikundi 36, vikundi vya Wanawake 20 mkopo wenye thamani ya shilingi 235,916,500.00, vikundi vya vijana 13 mkopo wenye thamani ya shilingi 219,916,500.00 na watu wenye ulemavu vikundi 3 mkopo wenye thamani ya shilingi 24,800,000.00.

Mwaka wa fedha 2021/2022 Halmashauri  katika mipango na bajeti  ilikusanya mapato halisi yenye jumla ya Shilingi 8,022,090,500.00 na kutenga kiasi cha shilingi 802,209,050.00 kwa ajili ya kukopesha  kwa vikundi vya wanawake, Vijana na watu wenye ulemavu. Hadi kufikia mwezi 30 Juni 2022 jumla ya shilingi 802,209,050.00 zilitolewa.

Na Kiasi kilichokopeshwa hadi kuishia tarehe 30 Juni 2022 ni Tshs. 720,609,050.00 kwa vikundi 75, kati ya vikundi hivyo, vikundi  vya wanawake 39 mkopo wenye thamani ya shilingi 281,283,620.00 , Vikundi vya vijana 36 mkopo wenye thamani ya shilingi 318,483,620.00 na watu wenye ulemavu 18  mkopo wenye thamani ya shilingi 120,841,810.00 fedha ambazo zilibaki na hazikukopeshwa ni shilingi 81,600,000.00, zitatolewa kwa  robo ya kwanza Mwaka wa Fedha 2022/2023. Hata hivyo vikundi vyote vilivyoomba na vina sifa vilipata mikopo.