Baraza Laridhia Bilioni 36.3 2024/2025

Imewekwa : February 3rd, 2024

Benton Nollo na Shadida Salum, TTC

Baraza la Madiwani la Halmashauri ya Mji Tunduma kwa kauli moja limeridhia na kupitisha rasimu ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 ambayo ni shilingi bilioni 36.3.

Kikao hicho ambacho kimeongozwa na Mwenyekiti wa Halmashauri ya Mji Tunduma, Mhe. Ayubu Mlimba kimefanyika kwenye Ukumbi wa Mikutano wa Halmashauri hiyo tarehe 03 Februari 2024.

Akizungumza wakati wa kikao hicho, Mhe. Mlimba amesema kati ya fedha hizo shilingi bilioni 13.8 ni kutokana na vyanzo vya ndani, shilingi milioni 950.3 kwa ajili ya ruzuku ya uendeshaji (OC), shilingi bilioni 13.2 ni mishahara na shilingi bilioni 8.2 ni kwa ajili ya miradi ya maendeleo kutoka Serikali Kuu na Wahisani.

Aidha, pamoja na makisio hayo pia, Baraza hilo limeridhia makisio ya matumizi ya shilingi bilioni 16.1 kwa ajili ya miradi ya maendeleo (shilingi bilioni 8.254 kutoka Serikali Kuu na Wahisani na shilingi bilioni 7.852 fedha za maendeleo zinazotokana na mapato ya ndani).

“Leo hii Baraza la Bajeti tumepitisha Bajeti yetu ya 2024/2025 kuwa sehemu ya mapato na matumizi ya Halmashauri yetu kwa mwaka ujao….tunatangaza kwa kauli moja kuwa tumeridhia mapendekezo haya ya bajeti.” Alisema Mh. Mlimba.

Mhe. Mlimba ameagiza watumishi wa Halmashauri kusimamia ukusanyaji wa mapato ili kuweza kufikia lengo na kisha kutatua changamoto zinazowakabili Wananchi wa Tunduma.

Naye, Mkurugenzi wa Halmashauri hiyo, Mariam Chaurembo amelishukuru Baraza hilo kwa kuridhia shilingi billion 2.57 kwa ajili ya kukamilisha miradi viporo yote'

Matukio katika Picha:

Wajumbe wa Baraza la Madiwani la Halmashauri ya Mji Tunduma wakijadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike. 

Mwenyekiti wa Halmashauri ya Mji Tunduma, Mhe. Ayubu Mlimba akizungumza wakati wa kikao maalum cha Baraza la Madiwani kujadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike. 

Baadhi ya Waheshimiwa Madiwani wa Halmashauri ya Mji Tunduma wakizungumza wakati wa kikao maalum cha Baraza la Madiwani kujadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike. 

Mkurugenzi wa Halmashauri ya Mji Tunduma, Mariam Chaurembo akizungumza wakati wa kikao maalum cha Baraza la Madiwani kujadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike. 

Baadhi ya Wajumbe wa Kamati ya Ulinzi na Usalama Wilaya ya Momba, wakiwa katika kikao maalum cha Baraza la Madiwani kilichoketi kujadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike. 

Baadhi ya Viongozi, Wakuu wa Divisheni na Vitengo na Watendaji wa Kata wakiwa katika kikao maalum cha Baraza la Madiwani kilichoketi kujadili mapendekezo ya Makadirio ya Makusanyo ya Mapato na Matumizi ya Halmashauri hiyo kwa mwaka wa fedha 2024/2025 kilichofanyika kwenye Ukumbi wa Mikutano wa Halmashauri hiyo tarehe 03 Februari 2024 ambapo zimeridhiwa shilingi bilioni 36.3 zitumike.