Bilioni 1.2 Tayari Zipo kwa Ajili ya Awamu Inayofuata ya Mikopo: Mhe. Mlimba

Imewekwa : March 1st, 2025

Na Benton Nollo, Tunduma TC

Mwenyekiti wa Halmashauri ya Mji Tunduma, Mhe. Ayub Mlimba amesema tayari Halmashauri hiyo inazo fedha nyingine shilingi bilioni 1.2 kwa ajili ya mikopo ya Asilimia Kumi (10%) inayotokana na mapato ya ndani ya Halmashauri kwa ajili ya Vikundi vya Wanawake, Vijana na Watu wenye Ulemavu.

Mhe. Mlimba ameyasema hayo alipokuwa akizungumza wakati wa maadhimisho ya Siku ya Wanawake Duniani ambayo kwa Halmashauri hiyo yamefanyika katika Hospitali ya Mji Tunduma tarehe 01 Machi 2025 ambapo Mgeni Rasmi alikuwa Mkuu wa Wilaya ya Momba Mhe. Elias Mwandobo.

"Mpaka sasa tayari Halmashauri yenu inazo shilingi bilioni 1.2 za mikopo hiyo, hovyo tuwe wavumilivu muda ukifika jitokezeni kuomba na zoezi la utoaji wa mikopo ni endelevu kwa kuwa Rais wetu Dkt. Samia amesharuhusu mikopo hiyo itolewe," Amesema Mheshimiwa Mlimba.

 Siku ya Wanawake Duniani husherehekewa kila mwaka tarehe 08 Machi ambapo kwa Mkoa wa Songwe kwa mwaka huu (2025) maadhimisho hayo yatafanyika wilayani Songwe.

Matukio katika Picha:

(Picha zote na Julius Evandino, TTC).