HALMASHAURI YA MJI TUNDUMA IMENUNUA GARI LENYE THAMANI YA TSH. MILIONI 98

Imewekwa : May 28th, 2023

Na William Maganga - Tunduma TC

Gari Hilo limenunuliwa kama mwendelezo wa kutumia Mapato ya ndani Vizuri ili kuendelea kutoa Huduma Bora

Mkurugenzi wa Halmashauri ya Mji Tunduma Philemon Magesa amesema kuwa utaratibu huu ni endelevu wa kununua vitendea kazi ili kuwahudumia wanatumduma

"Halmashauri yetu imepanga walau Kila mwaka kununua gari Moja ili kupunguza changamoto ya Usafiri wakati wa kutekeleza majukumu kwa watumishi wa Tunduma" alisisitiza Mkurugenzi Magesa

Mkurugenzi Magesa alieleza kuwa Mapato tunayokusanya tumekuwa tukiyapeleka katika miradi mingi ya Maendeleo, hivyo kununua magari yatarahisisha usimamizi wa miradi yetu kwa haraka na kuhakikisha kila jambo linatekelezwa Kwa wakati. Yote hayo ni kufanya Wananchi wapate Huduma Bora

Aidha baadhi ya watumishi wameipongeza menejimenti ya Halmashauri ya Mji Tunduma Kwa uamuzi huo kwani Kuna muda inabidi kutumia magari binafsi katika kutekeleza majukumu yao

Mhandisi Ally Tinga amesema gari hilo litarahisha sana shughuli kwani magari yalikuwa machache hivyo hata kuzungukia miradi ilikuwa ngumu lakini sasa anaamini Uwepo wa Gari hilo kutasaidia usimamizi wa karibu wa miradi