KAMATI YA CCM MKOA WA SONGWE YARIDHISHWA NA UKAMILISHAJI WA AWAMU YA KWANZA YA UJENZI WA SHULE YA DKT. SAMIA S. H.

Imewekwa : June 24th, 2023

Na William Maganga - Tunduma TC

Kamati ya siasa ya CCM mkoa wa Songwe imefurahishwa sana na ukamilishwaji wa miundombinu katika shule ya Dkt. Samia S. H. Sekondari inayotegemewa kupokea wanafunzi wa Kidato cha Tano kuanzia mwezi Agosti mwaka huu

Akizungumza June 24 2023 wakati wa ziara ya kamati ya siasa mkoani hapa mwenyekiti wa chama cha mapinduzi mkoa Radwell Mwampashi amesema wanamshukuru raisi Dr Samia Suluhu Hasani kwa kutoa pesa za kujenga mradi mkubwa ambao anatamani ungekuwa mradi wa kitaifa kulingana na hadhi yake huku akiwataka viongozi wa halmashauri ya mji tunduma kushirikiana na watumishi kuhakikisha wanakamilisha mradi huo kwa wakati

Kwa upande wake mkuu wa wilaya ya Momba Fack Lulandala amesema wanapambana kusimamia ujenzi usiku na mchana ambapo amekuwa na utaratibu wa kutembelea mradi huo kila siku ya juma3 huku akibainisha kuwa wanatarajia kupokea wanafunzi 251 mwezi Agost wa michepuo 5 ikiwemo CBG,PCM,HKL,HGK na HGE

Shule hiyo yenye Gharama ya Tsh. 5,000,000,000/= ambapo Bilioni 4 zinatolewana Serikali kuu na Bilioni 1 imetolewa na Halmashauri ya Mji Tunduma kuunga mkono juhudi za Rais wa Jmahuri ya Muungano wa Tanzania Mhe. Dkt. Samia Suluhu Hasan

Aidha Mhe. Mwampashi alitoa pole kwa fundi mkuu pamoja na mafundi wengine ambayo wanajenga jengo la ghorofa kwa kifo cha mmoja wa aliyekuwa fundi wa kupaua ambaye kwa bahati mbaya aliteleza na kuanguka lakini alifariki alipokuwa ampelazwa kwa matibabu

Mwenyekiti aliwasihi sana mafundi wote waendelee kuchukua tahadhari pindi wanapoendelea kutekeleza majukumu yao ili kujilinda na ajali zinazoweza kuepukika

Mwisho Mhe. Mwampashi aliwapongeza wananchi wa mtaa wa namole kwa kutoa hekari 53 bure kwa ajili ya ujenzi washule hiyo kwani wameonyesha mmfano wa kuigwa katika kuiunga mkono serikali ya Chama cha Mapinduzi