MAPATO YA STENDI MPYA TUNDUMA YAFIKIA MILION 20.5

Imewekwa : July 25th, 2023

Na William Maganga - Tunduma TC

Mapato ya Standi ya Mabasi ya Halmashauri ya Tunduma iliyopo Kata ya Mpeba yaongezeka mara dufu hadi kufikia shilingi milioni Ishirini na Mbili kaki tatu kwa mwezi (Tsh. 20,500,000/=)

Mkurugenzi wa Halmashauri hiyo Bwana Philemon Magesa ameeleza kuwa mapato haya yameongezeka kutokana na kuhama kwa Stendi hiyo toka kata ya Majengo ambapo ilikuwa kwa mwezi mapato yake ni Tsh. 14,300,000/= na sasa kuna ongezeko la Zaidi ya Milioni Tisa (Tsh. 6,200,000/=) kwa mwezi

“Hapo zamani tulikuwa hatuna standi ya Mji tulikuwa tunatumia eneo la Tanroad ambalo lilikuwa ni vigumu sana kuhudumia Mabasi yote yanayokuja Tunduma, sasa tangu tumehamia kwenye standi Mpya mapato yameongezeka sana na tunaendelea kuboresha huduma ili tukusanye Zaidi” alisisitiza Mkurugenzi Magesa

Akitoa ufafanuzi meneja wa stendi ya Tunduma Bwana Marko Ipini amesema mapato yameongezeka toka Tsh. 14,000,000/= hadi kufikia Tsh. 16,000,000/= kupitia ushuru wa magari, na kupitia huduma ya vyoo stendi ya awali mapato yaikuwa Tsh. 300,000/= kwa mwezi na sasa ukusanyaji umefikia kiasi cha Tsh. 4,500,000/= kwa mwezi.

Meneja amebainisha kuwa usalama umeongezeka kwa abiria kwani kuna sehemu za kupumzikia na kutunza mizigo pia wadau wa stendi wanatambuana hivyo ni rahisi kubaini wahalifu au nani kahusika kwenye upotevu wa mizigo ya abiria ikitokea kuna upotevu. Stendi ina walinzi imara toka Suma JKT na pia ndani ya Standi hiyo kuna kituo cha polisi ambacho kinafanya kazi

"Usalama umekuwa mkubwa Sana kwa kushirikiana na wadau wa stendi endapo mizigo ya abiria imepotea basi ofisi husika itahusika na ulipaji, kwa wale wanaobainika kupoteza mizigo ya abiria kwa uzembe au wanao onekana kuwa chanzo cha upotevu adhabu ya kuwapa likizo ya muda wa wiki mbili hadi mwezi mmoja huwakumba ili wajitafakari na kujisahihisha makosa yao, Hadi Sasa ni watu Saba wamekumbana na rungu la adhabu hiyo". Meneja stendi mpemba

Ufunguzi wa stendi ya Mpya ya Tunduma umeongeza pia fursa kwa wajasiriamali, wamiliki wa daladala na wadau wote wanaotumia standi hii mpya safari za ndani ya Tunduma, Mikoani na Nchi za Nje zote zinaanzia katika Standi hiyo