Mbowe Aongoza Usafi Kuadhimisha Muungano

Imewekwa : April 26th, 2025

Atwiya Mohamed na Silvesta Mtafya, TTC

Katika kuadhimisha Miaka 61 ya Muungano wa Tanganyika na Zanzibar, Kaimu Mkurugenzi wa Halmashauri ya Mji Tunduma, Gilbert Mbowe (aliyevaa kofia nyeusi), leo tarehe 26 Aprili 2025 ameongoza Viongozi, Watumishi pamoja na Wananchi katika zoezi la kufanya usafi wa mazingira ikiwa ni sehemu ya kuenzi Muungano huo muhimu kwa historia ya Tanzania.

Zoezi hilo limefanyika katika Mtaa wa Msampania Kata ya Chapwa ambapo wameshiriki kusafisha maeneo ya taasisi za umma, barabara na maeneo ya makazi ya wananchi.

Akizungumza baada ya zoezi hilo, Mbowe amewapongeza Wananchi na Watumishi kwa kujitokeza kwa wingi na kuonesha mshikamano katika kusherehekea Muungano kwa vitendo.

Pia, Mbowe ametumia fursa hiyo kusisitiza umuhimu wa kuendelea kudumisha amani, umoja na mshikamanano miongoni mwa Wananchi, akibainisha kuwa hiyo ndiyo Misingi iliyojenga Taifa lenye umoja na uthabiti kwa kipindi cha zaidi ya nusu karne.

Maadhimisho ya miaka 61 ya Muungano mwaka huu yameongozwa na kaulimbiu ya kuhimiza mshikamano wa Kitaifa, Uzalendo na Ushiriki wa Wananchi katika maendeleo ya Taifa.

Ambapo kauli mbiu inasema “Muungano wetu Dhamana, Heshima na Tunu ya Taifa, Shiriki Uchaguzi Mkuu wa Mwaka 2025.

Matukio katika Picha: