Mhe. Silinde Agawa Vifaa vya Shilingi Milioni 22.2

Imewekwa : March 4th, 2025

Na Benton Nollo, Tunduma TC

Naibu Waziri wa Kilimo ambaye pia ni Mbunge wa Jimbo la Tunduma, Mhe. David Ernest Silinde amekabidhi vifaa vya Maabara vyenye thamani ya shilingi milioni 22.2 kwa shule za Sekondari za Serikali 10 katika Halmashauri ya Mji Tunduma tarehe 28 Februari 2025.

Vifaa hivyo ambavyo vimetolewa na Serikali kupitia Shirika la Umoja wa Mataifa linaloshughulikia masuala ya Watoto - UNICEF kwa kushirikiana na Serikali ya Canada, ni kwa ajili ya maabara za Kemia, Fizikia na Baiolojia.

Shule za Sekondari zilizonufaika na vifaa hivyo ni Dkt. Samia SH, Chipaka, Muungano, Uwanjani, Mwakakati, Danida, Tunduma TC, Mpande, Mpemba na Chapwa.

Mhe. Silinde hivi karibuni amefanya ziara ya siku tatu ya kutembelea miradi mbalimbali ya maendeleo inayotekelezwa katika Jimbo hilo ambapo amefurahishwa na utekelezaji wa miradi hiyo na ameipongeza Halmashauri ya Mji Tunduma kwa utekelezaji mzuri wa miradi.

Matrukio katika Picha:

(Picha na Benton Nollo, TTC).