MKURUGENZI WA TUNDUMA ASHEREHEKEA SIKU YA BABA WA TAIFA STANDI YA MABASI

Imewekwa : October 14th, 2022

Mkurugenzi wa Halmashauri ya Mji Tunduma Ndugu Philemon Mwita Magesa ameamua kuazimisha kumbukizi ya kifo cha Baba wa Taifa Mwl. J. K. Nyerere katika kituo kipya cha Mabasi kilichofunguliwa tarehe 13/10/2022 katika kata ya Mpemba.

Mkurugenzi Magesa amesema kuwa anafurahi sana kuona mwitikio wa Mabasi Makubwa, Costa na Daladala kuwa mkubwa sana kwani siku ya kwanza baadhi ya madereva wa Costa hawakuweza kuingiza gari zao stendi. Mh. Mkuu wa Wilaya ya Momba, Fakii Lulandala alikaa nao kikao na kuwaelimisha baada ya kikao hicho Costa zote zilingia stendi na kuendelea na safari kama kawaida

Ngudu Magesa amesema tayari Halmashauri ya Mji Tunduma imejipanga kukabiliana na changamoto zozote na kuzitatua kwa haraka kwani Standi hiyo ndiyo kwanza leo ni siku ya pili kutumika hivyo lazima changamoto ziwepo kwa kulitambua hilo Halmashauri imeweka watumishi watatu (03) Meneja wa Standi, Afisa Biashara na Mhandisi wao wapo muda wote kutatua changamoto yoyote inayojitokeza

Kwa upande wa wajasiriamali wadogo wadogo wameipongeza sana Halmashauri ya Mji Tunduma kwa kuwatengea maeneo maalumu kwa ajili ya kufanya biashara zao

Bi. Elizabeth Haonga amesema

 “Kwakweli tunamshukuru sana Rais wa Jamhuri ya Muungano wa Tanzania Mamayetu mpendwa Samia Suluhu Hassan kupitia kwa  Mkurugenzi wa Halmashauri ya Mji Tunduma kwa kuamua kutujengea Stendi hii kwani sisi wauza chakula kwakeli tunafanya sana biashara jana nimepika wali Kilo 12 zikaisha nikaongeza kilo 4 nazo zikaisha leo hii nimepika kilo 15 na ninaona utawahi kuisha na nitaongeza mwingine, nasema asante sana mama”

Nao wauza matunda, wauza vinywaji na mitumba wote wamefurahi sana kwani wamegawiwa maeneo ya kujenga meza kila mjasiriamali eneo lake ili waweze kuuza bidhaa zao kwa abiria.

Bwana Dickson Mgode ni muuza vinyaji ametoa pongezi kuwa eneo la standi ni kubwa hivyo wanaweza kuuza vinywaji bila usumbufu kwani mabasi yanasimama kwenye mistari vizuri tofauti na standi ya zamani

Kwa upande wao wasafiri wameipongeza Halmashauri ya Mji Tunduma kwa kujenga stendi ya kisasa yenye sehemu nyingi na nzuri za kujikinga jua na Mvua pindi wanaposubilia usafiri.

Anna Msomba ni abiria anayetoka Sumbawanga Kwenda Ileje amesema anaishukuru sana Serikali ya Tunduma kwa kujenga Standi ya kisasa kwani baada ya kushuka kwenye Basi alilotoka nalo Sumbawanga amekaa masaa 2 kivulini kusubili basi la Kwenda Ileje

“Yaani hapa naona utofauti mkubwa sana na ile stendi ya mwanzo kwani ilikuwa ni juani tuu hakuna hata pa kupumzikia lakini hapa unakaa kivulini saafi huku unakunywa na soda wakati unasubiri basi lifike au lijae”