Mwenge wa Uhuru 2024 Wazindua Shule Mpya ya Ghorofa

Imewekwa : September 4th, 2024

Na Benton Nollo, TTC 

Kiongozi wa Mbio za Mwenge wa Uhuru Kitaifa 2024, Godfrey Eliakimu Mnzava amezindua rasmi Shule ya Msingi Kokoto iliyopo Kata ya Mpemba katika Halmashauri ya Mji Tunduma wilayani Momba tarehe 04 Septemba 2024.

Mradi huo umegharimu shilingi bilioni 1.3 ambapo kati ya fedha hizo shilingi milioni 973.7 ni za mapato ya ndani ya Halmashauri na shilingi milioni 400 ni fedha kutoka Serikali Kuu.

Mradi wa ujenzi wa Shule hiyo umejumuisha vyumba vya madarasa 10, ofisi za walimu nne, matundu ya vyoo 24, Jengo la Utawala na na nyumba za Walimu mbili ambazo kili moja ni mbili kwa moja.

Ujenzi wa Shule ya Msingi Kokoto umelenga kupunguza mlundikano wa wanafunzi darasani katika Shule ya Msingi Kigamboni na Shule ya Msingi Katete.

Aidha, kupunguza utoro wa Wanafunzi kutokana na miundombinu ya kuvutia kwao na iliyopo karibu na maeneo wanayoishi ni miongoni mwa mafanikio ya ujenzi wa Shule hiyo.

Pamoja na mambo mengine, Kiongozi huyo ameshiriki zoezi la upandaji miti pamoja na wakimbiza Mwenge wa Uhuru Kitaifa 2024 shuleni hapo ili kutunza mazingira.  

Matukio katika Picha: