RC Chongolo Aipongeza Halmashauri ya Mji Tunduma

Imewekwa : October 19th, 2024

Na Benton Nollo, TTC

Mkuu wa Mkoa wa Songwe, Mhe. Daniel Chongolo ameupongeza Uongozi wa Halmashauri ya Mji Tunduma kwa kuwanunulia pikipiki Watendaji wa Kata wote 15 katika Halmashauri hiyo.

Chongolo ametoa pongezi hizo mara baada ya kukabidhi pikipiki hizo baada ya kushiriki na kuhitimisha mazoezi ya mbio za mwendo wa pole na matembezi maalum yaliyoratibiwa na uongozi wa Mkoa huo, maarufu kama Songwe Route Match 2024 tarehe 19 Oktoba 2024.

Pikipiki hizo aina ya Hero Hunter 150CC zenye thamani ya shilingi milioni 46.3 zimenunuliwa na Halmashauri ya Mji Tunduma kwa mapato ya ndani kupitia Bajeti ya Halmashauri hiyo kwa mwaka wa fedha 2024/2025 ili kurahisisha utendaji kazi kwa Watendaji wa Kata.

"Uamuzi wa Halmashauri ya Mji Tunduma, kununua pikipiki hizi...inaonesha dhamira ya Halmashauri kujijengea uwezo wa kuboresha utoaji wa huduma kwa Wananchi wake na kujijengea uwezo wa kupanua wigo wa ukusanyaji wa mapato ndani ya Halmashauri." Amesema Mhe. Chongolo.

Pia, Mhe. Chongolo ameishukuru Serikali Kuu kwa kuipatia Halmashauri ya Mji Tunduma Gari aina ya Toyota Landcruiser Hardtop kwa ajili ya shughuli za afya.

Matukio katika Picha: