RC Chongolo Akagua Ujenzi Jengo la Mama, Mtoto

Imewekwa : May 5th, 2025

RC Chongolo Akagua Ujenzi Jengo la Mama, Mtoto

Mkuu wa Mkoa wa Songwe, Mhe. Daniel Chongolo, leo tarehe 05 Mei 2025 amefanya ziara ya kukagua maendeleo ya ujenzi wa Jengo la Mama na Mtoto linalojumuisha huduma za Upasuaji katika Hospitali ya Halmashauri ya Mji Tunduma iliyopo Kata ya Mpemba.

Mara baada ya kukagua ujenzi huo, Mhe. Chongolo amemuagiza Mkandarasi kuhakikisha kuwa ifikapo tarehe 05 Juni 2025 jengo hilo liwe limefikia hatua ya uwekaji wa slab (slabu), kama sehemu ya kuhakikisha mradi huo unatekelezwa kwa wakati na kwa viwango vinavyotakiwa.

Aidha, RC Chongolo amesisitiza usimamizi madhubuti wa mradi huo pamoja na miradi ya mingine ya maendeleo ili kuhakikisha Wananchi wanapata huduma bora za afya na kwa wakati.

 Jengo hilo linajengwa na Mkandarasi kupitia Kampuni ya Hamerkop International Ltd ya jijini Mbeya kwa gharama ya shilingi bilioni 2.3.

Matukio katika Picha:

(Chanzo: Habari na Picha na Ofisi ya Mkuu wa Mkoa wa Songwe).