SHEIKH BATUZA AWATAKA WAISLAMU KUIENZI AMANI NA UMOJA

Imewekwa : April 22nd, 2023

Sheikh Mkuu wa Mkoa wa Songwe Hussein Batuza amewaasa waislamu wote kuendelea kuilinda Amani iliyopo katika nchi yetu na kupinga mmomonyoko wa maadili unaoendelea kusumbua Taifa 

Sheikh Batuza ameyasema hayo mapema Leo tarehe 22 April 2023 wakati akitoa mawaidha kwenye  Swala ya Eid El fitr ambayo kimkoa wa Songwe imeswaliwa ndani ya Mji wa Tunduma

 Aidha Sheikh Batuza amesema Amani tuliyonayo Sasa imetokana na viongozi wetu mahiri na makini Kwa kutumia Busara zao za kuliunganisha Taifa letu kuwa moja na mpaka Sasa Taifa letu ni kimbilio la nchi nyingi hivyo Amani hii tusiichezee 

"Waislamu wenzangu Amani yetu ndio inayofanya Leo tunaswali hapa bila bugdha yoyote, Kuna nchi nyingine hata huu muda wa kuswali hawaupati, kwahiyo rai yangu kwenu tuendee kuliombea Taifa letu ili Amani yake iendelee kudumu" alisisitiza Sheikh Batuza 

Katika wasaa huo Sheikh Batuza ameendelea kuwaasa Waumini kuwa maadili yetu ya kitanzania ni Tunu hivyo wasikubali kuletewa utamaduni usiofaa Kwa maslahi ya wengine

"Dini yetu inapinga Ushoga, Usagaji na ndoa za Jinsia moja, hivyo kila muislamu asimame kupinga Mila hizo kwani sio tu katika Vitabu vya Dini hata katika katiba yetu ya nchi imekataza" alisema Sheikh Batuza 

Pia amewaomba kuendelea kumuombea Rais wa Jamhuri ya Muungano wa Tanzania Mhe. Dkt. Samia Suluhu Hassan na Serikali yake ili Mwenyezi Mungu aendelee kuwajaalia vipawa vingi katika kuendelea kuliongoza Taifa letu la Tanzania na watu wake.