STENDI KUU YA MABASI YA TUNDUMA IPO KATA YA MPEMBA_DC LULANDALA

Imewekwa : April 29th, 2023

Na William Maganga

Mkuu wa wilaya ya Momba Mhe. Fakii Lulandala amesema kwa sasa magari yote ya abiria yanayofanya safari za Tunduma na mikoa Jirani yataishia katika stendi kuu ya Mabasi ya Mji wa Tunduma iliyopo Kata ya Mpemba

Mhe. Lulandala ameyasema hayo wakati akitoa salamu la Serikali kuu katika Mkutano wa Baraza la Madiwani la Tunduma lililofanyika mapema leo tarehe 28 April 2023 katika ukumbi wa mikutano wa Ofisi ya Mkurugenzi uliopo kata ya Chapwa

Katika maelezo yake mkuu wa wilaya huyo amesema kuwa kumekuwa na maombi kuwa mabasi yanayotoka Mbeya kuja Tunduma yaingie hadi Mjini katikati, huo sio utaratibu mabasi yote yanatakiwa kuishia katika Kituo ambacho kimejengwa kwa mujibu wa sheria

“Ofisi ya mkuu wa wilaya kazi yetu ni kusimamia sheria na taratibu zote, Baraza la madiwani lililopita ndio lilipanga stendi kujengwa mpemba na baada ya maridhiano hayo mliomba fedha za ujenzi serikali kuu ikaleta sasa imeisha hivyo iendelee kutumika” alisisitiza Mhe. Lulandala

Pia Mhe. Lulandala amelishauri Baraza la Madiwani kama wanatakuwa na mipango ya kujenga stendi yam abasi nyingie ambayo itayafanya mabasi hayo kupita katikati ya Mji kwa kutumia fedha za mapato ya ndani sawa. Lakini kwa sasa stendi kuu ipo mpemba na inabidi sheria na taratibu zote za matumizi sahihi ya stendi zifuatwe