Tunduma Yaadhimisha Siku ya Wanawake Duniani

Imewekwa : March 1st, 2025

Na Benton Nollo, Tunduma TC

Mkuu wa Wilaya ya Momba, Mhe. Elias Mwandobo amewaongoza Wanawake na Wananchi wa Halmashauri ya Mji Tunduma kuadhimisha Siku ya Wanawake Duniani 2025 katika Halmashauri hiyo yaliyofanyika tarehe 01 Machi 2025 ambapo maadhimisho hayo yalianza kwa maandamano yaliyoambatana na mbio za taratibu (Jogging) kutoka katika Mzunguko wa Mpemba hadi Hospitali ya Mji Tunduma.

Wananchi pamoja na Wananchi wameshiriki zoezi la upandaji miti pamoja na kutoa misaada mbalimbali kwa wahitaji hospitalini hapo ambavyo vimekabidhiwa kwa Mganga Mfawidhi wa Hospitali.

Aidha, pamoja na shughuli hizo Mhe. Mwandoo alitumia nafasi hiyo kuwatembeza washiriki hao katika miundombinu mbalimbali ili kujionea mageuzi ya uboreshaji wa huduma za afya yaliyofanywa na Serikali ya Awamu ya Sita inayoongozwa na Rais Samia Suluhu Hassan.

Majengo yaliyotembelewa ni Jengo la Huduma za Dharura, Jengo la Kuzalisha Hewa Safi na Jengo la Wagonjwa Wagonjwa wa Nje (OPD) ambayo ndani yake vimesimikwa vifaa vya kisasa na tayari yanatoa huduma kwa Wananchi.

Pia, washiriki hao walipata fursa ya kujionea maendeleo ya ujenzi wa Jengo la Mama na Mtoto na Vyumba ya Upasuaji.

Matukio katika Picha:

(Picha Benton Nollo na Julius Evandino, TTC).