TUNDUMA YAJAYO YANAFURAHISHA_MWIGULU

Imewekwa : July 24th, 2021

WAZIRI wa Fedha na mipango Mhe. Dk. Mwigulu Nchemba ameahidi kutatua changamoto za barabara zinazotumika kupitisha magendo katika mipaka iliyopo Wilaya ya Momba hususani Tunduma, Mkoani Songwe ili kuepuka athari za kiuchumi na kiusalama katika nchi. Waziri wa fedha amesema hayo baada ya kukagua barabara ya Kapele Wilayani Momba na njia nyingi zaidi zinazodaiwa kutumika mara nyingi kupitisha magendo kutoka nchi za Zambia na Jamhuri ya kidemokrasia ya Congo.

Alisema ameona uzito na umuhimu wa kuimalisha na kuboresha mpaka wakishirikiana na viongozi wa nchi jirani ya Zambia. Kwa ajili ya kutatua na kumaliza kabisa changamoto ya kiusalama na kiuchumi."Nimejionea mwenyewe, nimeona kuna uzito wenye mantiki wa kuboresha na kushughulikia changamoto hizi zinazoathiri uchumi na usalama wa nchi, Naomba mridhie ili tuanze kuyachanganua na kuyafanyia kazi haya yote ambayo nayaona na mlio nambia" alisema Waziri wa Fedha.

Mbunge wa Jimbo la Momba Condesta Sichalwe alisema magendo mengi yamekuwa yakipitishwa kwenye barabara ya kapele na kupelekea Serikali kukoea mapato. Alisema kutokana na mpaka wa Tunduma kusimamia vema ulipaji kodi kuwa baadhi ya mizigo mingi ya magendo imekuwa ikipitishwa kwenye njia hiyo. Akiwa katika ziara yake Waziri Nchemba amepokea kero mbalimbali kutoka kwa wakazi wa Mkoa wa Songwe ambao wameiomba serikali kuzitatua.

Aidha Waziri Nchemba ametolea ufafanuzi juu ya malalamiko hayo na kuwaahidi kuwa serikali ita hakikisha inazitatua changamoto hasa kufanya jitihada za kuwarudisha waliohamia Zambia.