TUNDUMA YATIA SAINI MIKATABA YENYE THAMANI YA TSH. 507,632,017/=

Imewekwa : October 4th, 2022

Halmashauri ya Mji Tunduma leo imesaini mikataba 20 tofauti yenye thamani ya Tsh. 507,632,017 kwa wakandarasi na mafundi tofauti

Akiongea wakati wa utiaji Saini huo Mwenyekiti wa Halmashauri ya Mji Tunduma Mhe. Ayubu I. Mlimba amewaasa wakandarasi na mafundi hao kuwa waaminifu katika kazi walizopata kwani wakienenda kinyume na mkataba basi Halmashari haitasita kuchukua hatua stahiki dhidi yao.

“Kama kazi umesaini Tarehe ya kuanza na kumaliza iwe ileile kulingana na makubaliano ya kumaliza Mradi wako, Msiweke mafundi wachache tunataka tukimbie mafundi wawe wengi ili kuendana na muda tuliopeana” alisema Mhe. Mlimba

Mikataba hiyo ni kutokana na miradi ifuatayo

1.            Ujenzi wa kituo cha mabasi Mpemba.

2.            Kukodi mitambo kwa ajili ya kusafishia eneo la mradi wa soko la machinga.

3.            Ujenzi wa jingo la utawala kazi ya nyongeza.

4.            Ujenzi wa vyumba viwili 2 vya madarasa shule ya awali TTC.

5.            Ujenzi wa uzio uwanja wa mpira chapwa.

6.            Ufungaji mfumo wa umeme stand ya mabasi mpemba.

7.            Ujenzi wa bweni no.4 sekondari ya wasichana Namole.

8.            Ujenzi wa madarasa kumi 10 ya ghorofa sekondari ya wasichana Namole.

9.            Ujenzi wa nyumba wa kuhifadhi jenereta Jengo la utawala.

10.          Uchimbaji wa kisima shule ya sekondari ya  wasichana Namole.

11.          Uchimbaji wa kisima soko la machinga.

12.          Uchimbaji wa kisima kiwanda cha tofali Mpemba.

13.          Kukodi mtambo wa kuchanganya zege za paving stand ya Mpemba.

14.          Kukodi na kusafirisha mtambo uwanja wa michezo chapwa.

15.          Ujenzi wa jengo la kufulia kituo cha Afya Mpande.

16.          Ujenzi wa jengo la wagonjwa wan je (OPD) Mpande.

17.          Ujenzi wa madarasa shule ya wasichana Namole.

18.          Ufungaji wa madirisha na milango hospitali ya Mpemba.

19.          kuunganisha mfumo wa maji – Nyumba ya Mkurugenzi

20.          Ushauri wa kisheria kuhusiana na upekuzi wa mikataba.

Kwa upande wake Mkurugenzi wa Halmashauri ya Mji Tunduma Philemon Magesa aliwasisitizia wakandarasi na watoa huduma kuwa tunataka nidhamu ya kazi Mshinde kwenye mradi wakati wote yaani usiku na mchana

“Tunataka Mfanye Kazi usiku na mchana mkimbie na Kazi zenu taa zifungwe na miradi yote pesa zipo hivyo hatuna kikwazo weka mafundi kwa awamu ya usiku na ya mchana kama ni Jenereta tutanunua”

Pia mkurugenzi alikemea suala la rushwa akisema

“Hakuna mtumishi atakaye kwambia nimetumwa na Mkurugenzi au Mwenyekiti, kama kuna mtu anataka rushwa njoo uniambie au mwambie Mwenyekiti wa Halmashauri. Najua halipo hilo ila likitokea njoo haraka”

Ukiwa na  jambo ambalo Lipo nje ya mikataba tuliyosaini Leo njoo useme maana likiharibika wewe ndiye Utakaye husika. Hatuna ukuta wa kumuona Mwenyekiti Au Mkurugenzi kwa nia ya kufanya kazi, mfano Vifaa havijafika eneo la Kazi na wewe kazi umesimama, hapo atakaye wajibika ni wewe sio Afisa

Ili upate Kazi nyingine hapa Halmashauri lazima uwe umefanya vizuri, Mradi ukiharibika inamaana mmelitendea vibaya Baraza la madiwani. Kazi zenu Mkizifanya haraka Ndio mwanzo wa kupewa Kazi nyingine katika Halmashauri yetu