TUNDUMA YATIKISA MITIHANI YA KITAIFA YA 2019

Imewekwa : January 10th, 2020

Mkurugenzi wa Halmashauri ya Mji wa Tunduma, Bi. Regina L. Bieda, amewahimiza na kuwaasa watumishi wa Idara za Elimu Msingi na Sekondari za Halmashauri hiyo kuendelea kuchapa kazi baada ya Kuongoza katika matokeo ya mitihani ya kitaifa ya mwaka 2019 kimkoa na kupanda kwa kasi katika nafasi kitaifa

Mkurugenzi alitoakauli hiyo mapema leo hii alipoongea na wafanyakazi wa Halmashauri yake baada yakupokea Matokeo ya Mitihani ya Taifa iliyobainisha kwamba Halmashauri ya Mji wa Tunduma imeshika nafasi ya KWANZA na kuongoza wilaya zote za Mkoa wa Songwe katika mitihani yote mitatu yaani Mtihani wa Darasa la NNE, Kidato cha PILI na Kidato cha NNE 2019

“Tunatakiwa kuongeza bidii na maarifa katika kufundisha na kuwalea wanafunzi wote katika malezi bora ili Tunduma iweze kupanda zaidi kitaaluma na lengo letu ni kuingia katika Halmashauri KUMI bora kitaifa,” alisema Bi. Regina. 

Na kuongeza kwamba matokeo haya ni tija kwa wafanyakazi pamoja na wananchi wa Tunduma kwani inadhihirisha pesa zinazotengwa katika elimu na miradi yake zinatumika vema.

Mkurugenzi ameendeleakusisitiza kwamba atahakikisha anaendelea kutenga fedha zaidi kwa ajili ya miradi ya elimu ili Tunduma iweze kung’aa zaidi nchini.

“Nitaendelea kufuatilia kila kitu katika miradi ya elimu na watumishi wa idara ya elimu Msingi na sekondari ili kuhakikisha kila mtu anatekeleza majukumu yake ipasavyo,” amesisitiza Bi. Regina

Kupata Ripori hiyo bonyeza hapa

Mpangilio_wa_Halmashauri_CSEE2019-1.pdf

 Mpangilio_wa_Mkoa_CSEE2019.pdf

Mpangilio_wa_Halmashauri_FTNA2019(1).pdf

Mpangilio_wa_Mkoa_FTNA2019(1).pdf

Mpangilio_wa_Halmashauri_SFNA2019.pdf