TUPO TAYARI KUWAPOKEA WANAFUNZI WA KIDATO CHA TANO JUNE 2022

Imewekwa : May 30th, 2022

Mkuu wa Wilaya ya Momba Mhe. Fakii Lulandala ameyaeleza hayo wakati alipofanya ziara ya kushtukiza katika kukagua miundombinu ya Shule ya Sekondari Tunduma TC iliyopo kata ya Maporomoko

Wakati wa kukagua madarasa, mabweni na miundombinu yote Mhe. Lulandala amemtaka Mkurugenzi wa Halmashauri ya Mji Tunduma Philemon Magesa kuhakikisha maandalizi yaliyobaki yanakamilika mapema ili kusiwe na kikwazo chochote kwa wanafunzi kupokelewa na kuanza masomo

Aidha kwa upande wake Mkurugenzi wa Halmashauri ya Mji Tunduma Bwana Philemon Magesa amesema Halmashauri imejipanga na ipo tayari kuwapokea wanafunzi wote 130 aliopangwa kuja katika shule hii na pale ambapo kuna mapungufu tunamalizia ili kusiwe na Upungufu wowote utakaokwamisha maswala ya ufunguzi wa Shule.

Kwa upande wake Afisa Elimu Sekondari Bi. Patricia Mbigili alisema kuwa tayari Divisheni yake imeshajipanga katika kuwapokea na kutoa elimu bora wanafunzi wote waliopangwa kuja Tunduma.

“Tumesha panga walimu Bora kwa ajili ya vitendo vya kujifunza na Ujifunzaji, hivyo tunawaahidi wazazi wote ambao watoto wao wamepangwa kuja Tunduma wajiandae kuwaleta pindi tarehe inapofika bila kuhofia chochote”

Mkuu wa Wilaya aliwaambia mafundi wanaomalizia kupaka rangi baadhi ya majengo kuwa wafanye kwa weledi na ustadi mkubwa ili kazi yao iwe sawa na fedha wanazopewa, na kama kunashida yoyote basi waiseme mapema kwani hatokuwa na huruma na fundi yeyote yule atakaye haribu kazi