TUWAFUDISHE WATOTO WETU MAADILI MEMA_DC LULANDALA

Imewekwa : April 20th, 2023

Na William Maganga - Tunduma TC

Mkuu wa Wilaya ya Momba Mhe. Fack Lulandala amewaomba Viongozi wa Dini kuendelea kupinga mmomonyoko wa maadili unaoendelea kuliyumbisha Taifa 

Mhe. Lulandala ameyasema hayo wakati anaongea na Waumini wa Dini ya Kiislamu wakati wa kupata Iftar maalumu iliyoandaliwa na Ofisi ya Mkuu wa Wilaya Kwa kishirikiana na Halmashauri zote mbili yaani Halmashauri ya Mji Tunduma na Halmashauri ya Wilaya ya Momba kipindi hiki cha Mfungo wa Mwezi Mtukufu wa Ramadhan

Mkuu wa Wilaya huyo amewaomba Viongozi na Waumini wote kuendelea kupinga Mambo ya Ushoga na Usagaji kwani ni kinyume na maadili ya Dini zote na Mambo hayo yanalenga kuharibu Nguvu kazi za Taifa

"Nawaomba sana Viongozi na Waumini wote tumuunge mkono Rais wa Jamhuri ya Muungano wa Tanzania Mhe. Dkt. Samia Suluhu Hassan katika kupinga Mmomonyoko wa Maadili hususani wimbi hili lililoikumba Dunia Sasa la ndoa za Jinsia moja" alisisitiza DC 

LulandalaShekh mkuu wa mkoa wa Songwe Hussein Batuza  amesema kwa niaba ya Waislamu wote wa Mkoa wa Songwe wapo pamoja na Rais wa Jamhuri ya Muungano wa Tanzania Mhe. Dkt. Samia Suluhu Hassan 

"Anaye pinga uongozi wa mama Samia basi anapingana na maagizo ya Mwenyezi Mungu na hafai katika Taifa letu kwani tunaamini Mama yetu huyu ameletwa na Mungu ili atuongoze watanzania" alisema Sheik Batuza 

Aidha Sheik Batuza amesema kuwa Hakuna Ushoga wala Usagaji utakao kubalika katika mkoa wa Songwe

"Mkuu wa Wilaya tunakuagiza Kwa Rais Mwambie Mkoa wa Songwe tupo salama na tunaiunga mkono Serikali yetu na hatuto ruhusu Mmomonyoko wa maadili uuharibu mkoa wa Songwe tutasimama kila Kona kukemea mambo yote yanayoashiria mmomonyoko wa Maadili" alisisitiza Sheik Batuza 

Mkuu wa Wilaya ya Momba ametoa vyakula Kwa ajili ya sikukuu ya eil El fitr ambavyo ni Michele kilo 220, Mafuta ya kupikia lita 20, Sukari kilo 7, Maji ya kunywa Katoni 13 na Mbuzi 5 ambavyo amemkabidhi Sheik mkuu wa Mkoa wa Songwe Kwa niaba ya Waislamu wote Wilaya ya Momba