UJENZI WA SHULE YA GHOROFA UPO UKINGONI

Imewekwa : October 15th, 2022

Ujenzi wa Jengo la Ghorofa lenye vyumba vya Madarasa 10, Ofisi za waaalimu 04 pamoja na Vyoo 24  Lipo katika hatua za umaliziaji

Mwenyekiti wa Halmashauri ya Mji Tunduma ambaye pia ni Diwani wa Kata ya Mwakakati Mhe. Ayubu Mlimba amesema ujenzi wa Jengo hilo ni Mkombozi kwa wanafunzi na Kata ya Sogea Kwani watoto ni wengi hivyo mkakati wa kujenga shule ya Ghorofa ni Suluhisho

“Tulikubaliana na Madiwani wenzangu pamoja na Wataalamu wetu kuwa sasa tuwekeze kwenye ujenzi wa Madarasa ya  Ghorofa Kwani yanachukua eneo Dogo lakini vyumba vingi na hapa ni mwanzo tuu mengi yanakuja” alisema Mhe. Mlimba

Pia Mhe. Mlimba amewakumbusha mafundi kuwa wanatakiwa kwenda na Kasi ileile waliokubaliana ili mwisho wake uwe uleule na pasiwepo na mabadiliko yoyote

Tunawapenda sana watotowetu Ndio maana tunawajengea miundombinu mizuri na kuwapatia Elimu bora

Naye Mkurugenzi wa Halmashauri ya Mji Tunduma Ndugu Philemon Magesa amesema kuwa haya yote ni mafanikio ya wanatunduma wote Kwani Kodi na tozo wanazolipa Halmashauri Ndio Matunda yake hayaa

“Tunduma sasa tunakusanya zaidi ya Bilioni Nane (8) hivyo kutekeleza miradi kama hii kwa mapato yetu ya ndani ni sahihi ili wananchi waone pesa zao wanazotoa zinarudi katika miradi ya Maendeleo” aliongea Mkurugenzi Magesa

Shule hii ni miongozo mwa shule Nne zinazoendelea Kujengwa kwa Madarasa ya Ghorofa nyingine ni Uwanjani Sekondari iliyopo kata ya Uwanjani, Shule ya Msingi Kokoto iliyopo Kata ya Mpemba na Shule ya Sekondari ya Wasichana Namole iliyopo Kata ya Chiwezi