WAKULIMA WATOA PONGEZI KWA HALMASHAUJRI YA MJI TUNDUMA

Imewekwa : October 12th, 2022

Mamia ya wakulima waliotembelea Banda la Halmashauri ya Mji Tunduma wametoa pongezi za dhati kwa uongozi wa Halmshauri hiyo kwa kutoa Elimu juu ya Afya ya Udongo na Kilimo kwa ujumla

Hayo yamejiri baada ya Halmashauri hiyo kutoa elimu juu ya afya ya udongo na kuupima bure bila gharama yoyote pamoja na njia za kuurutubisha udongo uliopo mashambani mwa wakulima wengi

Wakiongea kwa wakati tofauti baadhi ya wakulima wamesema suala la kutokuwa na elimu ya afya ya Udongo limewafanya kuendelea kuwa masikini kwani wanalima sana lakini mavuno yao yanakuwa kidogo licha ya kuwa wanantumia mbolea kila siku

Bi. Mariamu Nzunda amesema alikuja katika banda la Halmashauri ya Mji Tunduma kupata elimu ya Afya ya Udongo na baadaye akaenda shambani kwake kuchukua udongo na amepimiwa bure na kupewa ushauri jinsi ya kuyatunza mashamba yake

“Nawashukuru sana hawa wataalamu wa Tunduma kwani wamenielekeza jinsi ya matumizi sahihi ya Mbolea kumbe nilikuwa nalima kwa hasara na baadhi ya mbolea sikutakiwa kuitumia kabisa, lakini sasa nimeipata elimu ambayo itanifaa miaka mingi” alisema Bi. Mariam

Kwa upande wake Bwana Fank Mwakajoka Lameipongeza sana Halmashauri ya Mji Tunduma kwa kununua vifaa vya kupima afya ya Udongo na ameomba elimu hiyo isiishie kwenye maadhimisho ya siku ya Mbolea tu bali iwafikie wakulima hukohuko mashambani

“Mimi nimpongeze sana Mkurugenzi wa Halmashauri ya Mji Tunduma kwa uamuzi huu wa busara wa kununua vifaa kwa ajili ya kupimia Afya ya udongo ambao unakwenda kutatua tatizo kubwa la wakulima wengi tuamekuwa tukilima kila siku na kupata mazao kidogo, ninaamini kama wataalamu mtatoa elimu hii kila eneo basi kutakuwa na badiliko kubwa sana la kilimo mwaka huu” alisema Mwakajoka

Kwa upande wake Afisa Kilimo Bwana Zawadi Mwampashe amesema Halmashauri imejipanga kuwafikia wakulima Zaidi ya mia sita (600) waliopo ndani ya Halmashauri ya Mji Tunduma kwa lengo la kuwasaidia ili waweze kulima kilimo chenye tija