WATUMISHI TUNDUMA WAJENGEWA UWEZO KUTEKELEZA MAJUKUMU

Imewekwa : February 18th, 2023

Halmashauri ya Mji Tunduma Leo Tarehe 18/02/2023 imeendesha mafunzo ya kuwajengea uwezo watumishi wake juu ya kusimamia miradi ya maendeleo

Kaimu mkurugenzi wa ambaye pia ni Mkuu wa Divisheni ya Utumishi na Usimamizi wa Rasilimali watu Bwana Josephat Kayombo ameeleza kuwa wamewaita wakuu wa shule, ma afisa elimu kata, watendaji kata, waalimu wakuu na waganga wafawidhi ili kuwajengea uwezo katika kusimamia miradi ya maendeleo

“Miradi mingi inafanyika katika ngazi ya Kata husika hivyo kuwajengea uwezo hawa watumishi ni muhimu kwani wengiwao wamesomea vitu tofauti na manunuzi pamoja na usimamizi wa miradi, hivyo ninaamini mafunzo haya yatasaidia sana katika usimamizi wa miradi hiyo” alisisitiza Kayombo

Aidha Bwana Kayombo ameeleza kuwa Katika miradi ya Kununua vifaa na kuajiri fundi bila kuwa na Mkandarasi (Force Account) imekuwa ikitekelezwa ngazi husika iliyopelekewa pes ana kwa kuwa watekelezaji sio wataalamu wa manunuzi na ujenzi hivyo mafunzo haya ni chanchu ya kutekeleza  vizuri miradi yote kwa vitendo

Naye Afisa Ugavi na Manunuzi Bwana Simon Nkusa amewaelekaza washiriki jinsi ya kujaza fomu za ushindani pamoja na matumizi ya vitabu vya kupokelea vifaa na kutolea vifaa mbalimbali katika miradi yao.

Mwalimu mkuu wa Shule ya Msingi Mizani Bi. Janeth George amesema kuwa anefurahi sana kwa mafunzo haya na anaamini sasa watakwenda kusimamia miradi ya maendeleo vizuri na kuondoa sintofahamu zote zinazojitokezaga katika usimamizi wa miradi

“Tulikuwa tunapata shida sana katika usimamizi wa miradi inabidi kila mara upige simu kuuliza namna ya kutekeleza jambo na pengine unaweza kuamua kulifanya kumbe lipo kinyume na miongozo sasa kila kitu tumeelezwa kwa umakini hivyo tunaahidi kwenda kutekeleza miradi bila dosari” alisema Janeth